Gramerê Soranî ra Çend Xalê Muhîmî yê Bi Dimilî

Hasan Aslan

 No nuşte seba kovara Kanîzar amade biyo, seba ke biresên kovare Kovara Kanîzar ser o bitiknên.

 

 

 

Na xebate, xebata Mamosta Husein Muhammedî ya ke bi nameyê “Kurterêzimana soranî bi kurmancî” ra xercê çend leteyan ra bi îzahatanê xo ya açarîyaye dimilî ser û seba dimilî adapte bî. Heme îzahî û nimûneyê soranî xebata Husein Muhammedî ra gêrîyayî labelê nimûneyê dimilî û îzahê seba dimilî hetê mi ra ameyî zêdekerdiş. Seba xebata Mamosta Husein Muhammedî nê lînkî ser o bitiknên: https://zimannas.wordpress.com/2015/07/09/rezimana-sorani-bi-kurmanci/

1. Name

 

Cinsîyet

Soranî de cinsîyet (nerî û makî) çinî yo. Wexto ke dimilî de nameyê yewhûmarî yê makî bi îlaweyê “-a” (îzafeya nameyan û sifetan de) û yê nerî bi “-ê” (îzafeya nameyan de) û bi “-o” (îzafeya sifetan de) bi çekuya peyên a girêdîyenê, soranî de her di bi “-î” yê.

dimilî: keynaya girde/pîle, lajê Azadî, lajo baş

soranî: kiçî gewre, lawî Azad, lawî baş